دي مش غازات لأ، الغازات بتكون نتيجة الهضم من بكتيريا الجهاز الهضمي، وليها ريحة، أما هواء المهبل فهو مجرد هوا، بيدخل ويلف ويرجع تاني من غير ريحة! وده بيحصل لأسباب مختلفة زي بعض الأوضاع الجنسية زي الدوجي (الكلابي) وخصوصًا لو رأسك مقلوبة للأسفل، وكمان ممكن يدخل هوا مع البعبصة، أو مع بعض التمارين الرياضية اللي فيها رفع للوركين بالذات أو بالحركات اليومية العادية اللي الحوض بيتحرك فيها.

عضلات قاع الحوض، اللي هي من عظمة العانة لعظمة العصعص، ليها دور في احتمالية حدوث ده، يا إما لو كانت ضعيفة أو مرتخية فبتسهل بقاء القناة مفتوحة فيدخل هوا أكثر، أو العضلات مشدودة خالص فممكن تزيد من احتمالية الصوت، يعني الضعف الزيادة والشد الزيادة ممكن يكونوا سبب في كده..

في حالات نادرة اسمها الناسور المستقيمي المهبلي، ودي لما بيحصل اتصال غير طبيعي بين المهبل والمستقيم بيسمح لغازات البطن للتسلل للهمبل، والفرق بينه وبين ريح المهبل العادي إنه بيكون له رائحة كريهة، وإنه كمان مرتبط بتمزقات المهبل أو الامراض الالتهابية بالأمعاء.

لو عايزة أقللها، واحنا في النيئك، بلاش الأوضاع اللي بتوسع المنطقة كتير وبتعمل إيلاج عميق وخصوصًا الدوجي (الكلابي واحنا مميلين راسنا)، بس فعلا لو حصل وسمعنا صوت هل في مشكلة؟ نحاول نعود نفسنا إنه عادي واقرأوا البوست بتاعنا عن الحاجات اللي ممكن عادي تحصل وقت السجس.

كمان ممكن نقللها بشد عضلات قاع الحوض بتمارين كيجل، هتلاقوا التمارين دي على يوتيوب أو لو انتوا من المقتدرين والمقتدرات ممكن تعملوها مع شخص متخصص، علمًا بأن التمارين دي كمان بتساعد في تأخير قذف الرجال كمان، وهي مهمة للغاية ومفيدة في تقليل آلام النيئك كده كده للستات، وممكن ما نقللهاش عادي لأنها مفيهاش غلط ولا خطر، دا هوا دخل، ثم هوب خرج تاني، والسلام,,

مهم نستشير دكتور علاج طبيعي لو دكتور/ة نسا وتوليد قالولنا نروحلهم لو في ألم وقت العلاقة، سلس بول متكرر له علاقة بعضلات الحوض، أو كمان لو في إحساس إن في حاجة بارزة أو مدلدلة أو عالقة من المهبل، وهم هيوجهوكي وهتحلوها سوا!

دي مش ظرطة، دا هوا، أو ريح أو نسمة هوا دخلت وخرجت، مفيش داعي للإحراج منها لو حصلت في الجيم، أو حصلت في الشارع أو الشغل أو غيره، مهم إزالة الوصمات الظاهرة اللي بتبدأ من سيطرة اللغة على أجسامنا وتحكمها في شعورنا بالعار من عملية طبيعية خالص!

متنسوش تسمعوا آخر حلقة من حلقات منعًا للإحراج

وتابعونا، لأن الحب مش عيب، الجهل هو اللي عيب..

لازم نقبل الحقيقة، إن حاليًا التغير اللي حصل لنا بسبب الإنترنت واللي احنا عملناه في الإنترنت خلى الحياة والسجس مع شخص واحد طول العمل صعبة، هتقوليلي انتو ولاد ستين في سبعين بتشجعوا هنقولك اقرأي البوست بتاعنا عن الخيانة النص نص..

ممكن المشكلة تكون في إننا لازقين لبعض فعلًا؟ ووقت الحميمية يبقى وقت للعبء، بسبب إننا اتعودنا نعمل نفس الحاجات، نفس الوضعيات، في نفس المكان، وبنفس العدد، مفيش تجديد، مفيش استكشاف، هو معنى إننا اتجوزنا، إننا نبطل نستكشف ونجرب ونستمتع؟

الحقيقة اللي بعد كده عن العلاقات طويلة الأمد، هي إننا بنطلب فيها حاجتين ضد بعض، اتجوزت علشان أهدى واستقر وابطل أبص، ففعلا بستقر، بلاقي حد يعمل لي أكلي ويغسل لي لبسي وبتحرش بزميلتي في الشغل وفي نفس الوقت بقول لمراتي إني مليش في الكلام الحلو علشان دي بتاعة الاستقرار والتانية بتاعة الخطر والجنان والاستكشاف ررررررو!

لازم ناخد مساحة من بعضنا، مش مساحة قمص وزعلان/ة منك، ولكن مساحة للخروج وحدس، مساحة للفرجة وحدي، مساحة للشعور بطعم الحياة المر وحدي علشان أحس بطعمها بيحلو معاك؟

انت ما صدقت؟ ما صدقت إني قلتلك ناخد مساحة؟ البعد مش معناه انفصال دائم، ولكن نشارك تجارب حلوة بعد بعدنا عن بعض، زي السفر والمغامرة أو حتى بس نحضن بعض ونتكلم بشكل عميق أكبر عن حياتنا واللي فيها، لأن ذكريات التجارب المشتركة بتزيد قيمتها مع الوقت عكس الحاجات المادية البحتة!

امتى الرغبة بينا بتموت وبتقف بس على ليلة العيد؟ لما بتحول من شريكته إلى أمه، وبيتحول من شريكي إلى أبيه بتاع المصروف اللي بييجي آخر الليل من شغله يلاقيني نايمة فيفرش عليا الغطا!

انه علاقتنا تتحول مع الوقت لراعي ومرعي بتقتل رغبتنا في بعض، فنبدأ ندور على حد تاني غير ماما وبابا دي، فالوعي بده مهم للغاية!

العلاقة الطويلة مش حكم بالانطفاء، لكن محتاجة شغل، ومجهود وربنا يقدركم يعني على الحر وع الحب ووجع القلب السياسي والاقتصادي والظلم الاجتماعي في بلدنا. وفقًا لدراسات العلاقات، أكبر تهديد للعلاقات المقفولة اللي من النوع ده، هو الملل الجنسي، لما الرغبة ما بينا تقل، والرضا يقل ونبقى عايشين يا علشان الولاد، يا علشان مجتمعنا اللذيذ هيوشفني امرأة ناشز يا علشان أهلي حاسين إنهم ما صدقوا خلصوا من عبء اجتماعي وسياسي بجوازي!

الملل عند الست ممكن يبقى أكبر، بسبب الوجع المستمر وقت الني*ك، والأزواج اللي بيحسبوا إنه كلما كان أعنف كلما كان أفضل، لكن في الحقيقة العلاقة العنيفة هي أكتر شيء بيسبب عزوف وملل وزهد في العلاقة الجنسية، والأكتر ظلمًا إن كتير من الستات بيتكسفوا يتكلموا عن توجعهم أو رفضهم علشان للأسف الشيوخ فهمونا إن المرأة لو قالت لجوزها لأ، الملائكة هتبيت تلعنها. عبث!

علشان كده مهم نتكلم، مش لما يحصل الوجع ولا الملل أو المشكلة، ولكن باستمرار باستمرار، إيه اللي بيحمسنا أكتر للعلاقة دي؟ عايزين إيه فيها؟ بنحب إيه فيها؟ نفسنا نجرب ايه؟ خيالاتنا عن بعض عاملة ازاي،

الإخلاص قرار، بمعنى إني مقرر بما إننا متجوزين أو ملتزمين تجاه بعض، إني استثمر في أم العلاقة دي بكل وعي وأبذل فيها طاقتي وأرفض التشتيتات الجانبية، مفيش حاجة اسمها الإخلاص يعني مش هبص برة ولا هنجذب لحد برة، لأ عادي هننجذب، بس هنبذل مجهود لفين؟ وهنا أتذكر زوجي صديقتي اللي كان أول الشهر بيجيب للبوي فريند بتاعه احتياجات الشهر قبل ما يجيب لها ولعيالها، اكتشفت خيانته بالصدفة المحضة، مش هنقول غير يخيبه مطرح ما هو قاعد!

نراجع بقى قرارنا ده باستمرار، نعمل بينا كلمة سر ونسأل بعض، احنا لسا قادرين ندخل قلب بعض وندخل في حتت تانية ولا لا؟ لو لا عادي؟ نقول ونسأ هل نسيت كلمة السر؟ ونعمل لها عادي إعادة تغيير، قبل ما تحصل أزمة، ونعتبر إن دي فترة صيانة دورية زي العربية اللي بنوديها قبل ما تعملها معانا فجأة على كوبري اكتوبر!

ودمتم محبين

شوفوا بقيت حاجاتنا على twawees.net

مع محبتنا

فريق طواويس

الأورجازم واحد، في الخمسينيات، فرويد فرّق بين ‘أورجازم المهبل’ (وقال عليه إنه ناضج) و’أورجازم البظر’ (وقال عليه غير ناضج). وده أضر بصحة الستات الجنسية لسنين طويلة.

الأبحاث الحديثة بتثبت إن كل أورجازم عند المرأة، من أي مكان في الجسم، بيمر عبر الجهاز العصبي البظري.

لو مش بتوصلي يبقى في غلط فيكي

لو مش بتوصلي، يبقى في حاجة غلط فيكِ، دي كمان خرافة و١٠-١٥٪ من الستات موصلوش للأورجازم أبدًا!

الأورجازم (النشوة) حالة فسيولوجية بتتأثر بالقلق والضغط النفسي، والتواصل، كتير من الستات بيوصلوا مع نفسهم وبيتكسفوا يقولوا لشركائهم، والصدمات، الختان، الأدوية وخصوصًا مضادات الاكتئاب، والتوقعات الغلط، واستعجال الشريك/ة إننا نجيبهم، ها جبتيهم، ها هاتجيبي، ها ها ها، اهدى يا أخينا، ركز علينا وهم هييجو!

رغبتها الجنسية أقل

الرغبة الجنسية عند الست مش أقل من الراجل، ولكن مختلفة في طريقة عملها، وده شرحته إيملي ناجوسكي في كتاب Come As You Are قالت في ناس عندهم رغبة تلقائية من نفسها ورغبة استجابية محتاجة حد يدحرج لها التماسي، وكستات مزروع فينا من صغرنا لا نستكشف أجسامنا، ولا نحس بيها طبيعي الجسم ده نكون منفصلين عنه ثم يتقال علينا اننا باردين وانتم اللي بردتونا.

حذاري تستكشفي نفسك

دي خرافة تانية عن الستات، بتخوفهم من استكشاف نفسهم، رغم إن المتعة الذاتية بتفهمنا إيه اللي بيريحنا، بتقلل آلام الدورة، بتحسن المزاج، بتساعد عالنوم، بتعزز تقدير الذات، لأنك مش موجودة علشان تمتعي حد أكتر من نفسك! وعندك بظر هو العضو الوحيد اللي وظيفته الوحيدة هي المتعة!

الألم عادي جدًا

خرافة تانية واوعي تستحملي أي ألم في العلاقة، لأنه مش طبيعي إطلاقًا، في ألم يعني في حاجة غلط، في توتر أو خوف، في انقباض لعضلات الحوض، في قلة مداعبة وزفلطة، في حالات طبية، في حجم مش مناسب، أو زاوايا محتاجة تتزبط في الوضعية، أو غيرها! الأكيد إنه إوعي تستحملي الوجع!

لو موصلتش، الشريك/ة هم السبب

لو ما وصلتش، الشريك هو السبب دايماً؟ دي بردوا خرافة لأن وصولك للنشوة بيعتمد بنسبة 30% عالتواصل بينكم والحميمية، و30% على معرفتك بجسمك، و20% على إحساسك بالأمان وعلى السياق العاطفي، و20% على التحفيز المناسب والكافي! ودي أرقام تقريبية، لأن مش كلنا زي بعض!

بعد الولادة، المتعة هتروح عليا

الرغبة الجنسية عند الستات بتكمل وبتستمر عادي وبتتطور طول حياتها، فالإنجاب ممكن يأثر لشهور لكن بترجعي عادي، وبعض الستات بيعيشوا أفضل حياتهم الجنسية مع التقدم في السن مع الثقة وفهم الجسم، وأي مشكلة مهما كانت ليها حل!

لأن الحب مش عيب، ولأن الجهل هو اللي عيب، ولأن المتعة حق

اقرأوا كتابنا

تابعونا